Wuzu Ka Tarika

Dosto aaj ham wuzu ko lekar sari cheeze janenge jaise ke wuzu ka tarika, wuzu ki fazilat, wuzu ki dua, sunnate, farz aur makruhat jaisi sari cheeze es post me janenge.

Wazu Ke Fazail

  • Wuzu ke aaza kayamat ke din roshan or chamakdaar honge aur es se huzoor pak S.W fouran apne ummati ko pehchan jayenge.
  • Huzoor pak S.W ne farmaya momin ka zewar kayamat ke din wahan tak pahuchega jahan tak wuzu ka pani pahuchta hai.
  • Huzoor pak S.W ne farmaya jisne wuzu kya aur achi tarah wuzu kiya yani sunnaton or adabo ehetmam kiya to uske gunah jism se nikal jate hain, yahan tk ke uske nakhuno ke niche se bhi nikal jate hain.
  • Jo shakhs wuzu ke dauran allah ka zikr krta hai, allah uska tamaam jism pak kr deta hai aur jo nahi krta uska sirf wo hissa paak krta hai jis par pani pahuchata hai.
  • Jo shakhs achi tarah wuzu krta hai fir apni nazar aasman ki taraf uthakar (doosra kalma)”ash hadu allaailaha illallahu wa-ash-hadu-anna muhammadan abduhoo warasoolu” kahe  to jannat ke aatho (8) darwaze khol diye jate hain, jis darwaze se chahe dakhil hojaye.
  • Huzoor pak S.W ne farmaya jab tum me se koi shakhs achi tarah wuzu karke namaz ke liye nukalta hai, to har daayen kadam ke uthane par allah ta-aala uske liye 1 neki likh dete hain, aur har baayen kadam ke rakhne par uska 1 gunah maaf kar dete hain. Ab use ekhtiyar ke chote-chote kadam rakkhe ya lambe-lambe kadam rakkhe. Agar ye shakhs masjid akar jamaat ke sath namaz padh leta hai to uski magfirat kr di jati hai.
  • Huzoor pak S.W ne farmaya jab tum me se koi shakhs apne ghar se wuzu karke masjid ata hai, to ghar wapas aane tak, use namaaz ka sawaab milta rehta hai.

Wuzu Se Pehle Ki Dua

 

بِسْمِ ٱللَّٰهِ ٱلرَّحْمَٰنِ ٱلرَّحِيمِ

Bismillah hirrehmaan nirraheem

Wuzu Ke Baad Ki Dua

Wuzu ki Dua

اللّٰهُمَّ اجْعَلْنِيْ مِنَ التَّوَّابِيْنَ وَاجْعَلْنِيْ مِنَ الْمُتَطَهِّرِيْنَ

Allahummaj-alnee minattawwabeena waj-alnee minal mutatahhireen

Tarjuma: Aye allah mujhe bahot ziyada tauba karne walo me se banade aur mujhe bahot ziyada paak rehne walo me se banade.

Wuzu Ka Masnoon Tarika

  • Kible ki taraf muh karke, unchi jagah par baithen aur niyat kren ke namaz ada karne ke liye wuzu krta hoon, uske baad wuzu ki dua padhlen. (dua aage btai jayegi)
  • Fir dono hathon ko gatto samit dhoyen, dahine haath se shuru kren.
  • 3 baar miswak kren, miswak na ho to ungli se daant saaf kren.
  • 3 baar muh bhar kar kulli kren.
  • 3 baar naak me pani dalkar naak saaf kren aur teeno baar naak chheeke, 3 baar poora muh achi tarah se dhoyen aur dahdi ka khilaal kren.
  • 3 baar dono hatho ko kohniyon samit dhoyen aur hatho ki ungliyo ka khilaal kren aur hatho me anguthi pehni ho to hila len.
  • 1 baar poore sar ka masah kren fir kaan ka fir gardan ka masah kren, masah es tarah kren ki dono hath pani se tar krke dono hath ki ungliya brabar milakar peshani ke baalo par rakh kar poose sar par dono hath guzaarte hue guddi tak le jayen fir guddi se dono hatho ki hatheliyon ko kaano ke pas se guzaarte hue wapas peshani tak le jayen fir shahadat ki ungli kaano ke andar es tarah firao ke har jagah fir jaye aur angootho ko kaano ke upar ke hisse par firao, uske baad ungliyon ki pusht se gardan ka masah kro.
  • 3 baar dono pair takhno samet dhoyen, pehle dayna fir bayan pair dhoye.
  • Baayen hath ki choti ungli se pair ki ungliyon ka khilal kren, dayne pair ki choti ungli se shuru kren aur tartibwar bayen pair ki choti ungli par khatam kren.
  • Wuzu ke baad asman ki taraf muh kar ke doosra kalma padhe.

Wuzu Ke Faraiz

Wuzu ke 4 faraiz hain

  • Peshani ke baalo se thudi ke niche tak aur 1 kaan ki lao se doosre kaan ki lao tak poora muh dhona.
  • Kohniyon samet dono hath dhona.
  • Sar ke chaothai hisse ka masah krna.
  • Dono pairon ko takhno samet dhona.

Wuzu Todne Wali Chizen

Wuzu 8 chizo se toot-ti hai

  • Behosh hojana.
  • Majnoon (pagal) hojana.
  • Muh bhar ke kai ajana.
  • Namaz me khil-khila kar hasna.
  • Taik lga kar sona.
  • Badan se khoon ya peep ka nikal kar beh jana.
  • Aage ki sharm-gah se kisi bhi chiz ka nikal jana.
  • Peechhe ki sharm-gah se kisi bhi chiz ka nikal jana.

Wuzu Ki Sunnatain

  • Nniyat karna.
  • Shuru me bismillah padhna.
  • Dono hath takno tak dhona.
  • Miswak krna.
  • 3 baar kulli krna.
  • 3 baar naak me pani dalna.
  • Teeno baar naak chheekna.
  • Dahdi ka khilal krna.
  • Hath, pair ki ungliyon ka khilal krna.
  • 1 baar poore sar ka masah krna.
  • Dono kaano ka masah krna.
  • Har jagah ko 3 baar dhona.
  • Tarteeb se wuzu krna.
  • Dahini taraf se pehle dhona.
  • Wuzu ke baad ki dua padhna.

Wuzu Ke Makruhaat

  • Napaak jagah par baith kar wuzu krna.
  • Wuzu krte waqt duniya ki baatain krna.
  • Seedhe hath se naak saaf krna.
  • Sunnat ke khilaf wuzu krna.
  • Zaroorat se ziyada pani estemal krna.

Leave a comment